„Ég held að það sé mögulegt að útkoma stjórnarmyndunar muni koma öllum á óvart. Meira segi ég ekki að svo stöddu. Ég vona það allavega,“ segir Birgitta Jónsdóttir, þingmaður Pírata, á Facebook-síðu sinni í dag en hún segist hafa átt mjög gott samtal við bæði Ólaf Ragnar Gímsson, forseta Íslands, og Sigmund Davíð Gunnlaugsson, formann Framsóknarflokksins í gær.

Birgitta segir að margir sem fastir séu í viðjum hefða haldi að Píratar séu ekki reiðubúnir að fara nýjar leiðir þó þeir sækist ekki eftir ráðherrastólum. Minnihlutastjórnir séu til að mynda góð leið til þess að efla betri þingmenningu. „Það eru mistök að halda að eini möguleikinn sé gamla Ísland.“

Hún gagnrýnir síðan Bjarna Benediktsson, formann Sjálfstæðisflokksins, fyrir að reyna að þvinga fram samningsstöðu í fjölmiðlum. Það sé ekki vænlegt til árangurs þegar verið sé að kanna hvort samstarfsflötur sé á milli fólks.

Innt eftir frekari upplýsingum í athugasemd í nafni gegnsæis segir hún: „Ef ég fer að gaspra áður en heildarmynd er sýnileg þá gæti ég hreinlega eyðilagt ferli sem mér finnst mikilvægt að láta reyna á.“

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 9 blogg um fréttina

Bloggað um fréttina

• Guðjón Sigþór Jensson: Skynsamleg leið?
• Magnús Helgi Björgvinsson: Eru Íslenskir stjórnmálaflokkar nógu þroskaðir fyrir minnihlutastjórnir?
• Axel Jóhann Axelsson: Sjóræningjar hæðast að Sigmundi Davíð
• Júlíus Már Baldursson: Það væri alveg eftir öðru og í takt við flest …
• Viggó Jörgensson: Nei hún er ekki möguleg - ekki sem Píratar gætu …
• Steindór Sigursteinsson: Sigmundur Davíð ætti að fara í stjórnmyndun með Sjálfstæðisflokknum.
• Heimir Lárusson Fjeldsted: Ekki í ríkisstjórn
• Svanur Gísli Þorkelsson: Stælarnir í stóra fúla gaurnum
• Jóhannes Laxdal Baldvinsson: Alþingi verði kallað saman strax