Ekkert ákveðið varðandi framhaldið

Sigmundur Davíð Gunnlaugsson, formaður Framsóknarflokks, fundaði í dag með Bjarna Benediktssyni, formanni Sjálfstæðisflokksins. Samkvæmt upplýsingum frá aðstoðarmanni Sigmundar hefur hins vegar ekkert verið ákveðið varðandi framhaldið.

Undanfarna daga hefur Sigmundur Davíð átt óformlegar viðræður við fulltrúa allra stjórnmálaflokka á þingi. „Viðræðurnar hafa fyrst og fremst snúist um að fá fram sýn flokkanna á stöðuna eftir alþingiskosningarnar og hver helstu áherslumálefni þeirra eru við upphaf kjörtímabilsins,“ segir í tilkynningu frá aðstoðarmanni Sigmundar. 

Einnig segir að framhaldsfundurinn með Bjarna í dag hafi verið til að fara nánar yfir tillögur Framsóknarmanna um skuldamál heimilanna. „Sigmundur segir fundina alla hafa verið innihaldsríka en að ekkert hafi verið ákveðið varðandi framhaldið,“ segir í tilkynningunni.

• 5 blogg um fréttina

Bloggað um fréttina

• Ómar Bjarki Kristjánsson: Allir helztu menn landsins að þjóna Sturlu Sighvatssyni.
• Svanur Gísli Þorkelsson: Svo bíðum við bara og bíðum og bíðum og bíðum........
• Jón Ingi Cæsarsson: Framsókn að eingangrast eða er SDG í póker ?
• Haraldur Haraldsson: Ekkert ákveðið varðandi framhaldi/í ljós kemur að hann velur vinstri …
• Óðinn Þórisson: Hamfarir Samfylkingarinnar