Ræðir við Bjarna aftur í dag

Sigmundur Davíð Gunnlaugsson, formaður Framsóknarflokksins, ætlar að hitta Bjarna Benediktsson, formann Sjálfstæðisflokksins, eftir hádegið, en þeir ræddust við síðdegis í gær um hugsanlega stjórnarmyndun.

Sigmundur Davíð fékk stjórnarmyndunarumboð sl. þriðjudag. Hann tók sér tvo daga í að ræða við formenn allra flokkanna. Hann ræddi síðast við Bjarna Benediktsson.

Sigmundur Davíð ákvað í morgun að ræða aftur við Bjarna í dag. Þetta þýðir ekki að Framsóknarflokkur og Sjálfstæðisflokkur séu komnir í formlegar stjórnarmyndunarviðræður.

Ekki fást skýr svör hjá framsóknarmönnum um hvenær Sigmundur Davíð ætli að taka ákvörðun um við hverja hann ætli að hefja formlegar stjórnarmyndunarviðræður, en það gæti skýrst síðar í dag eða á morgun.

• 5 blogg um fréttina

Bloggað um fréttina

• Viggó Jörgensson: Kannski rétt að Sjálfstæðismenn hvíli sig áfram á stjórnarsetu.
• Ólafur Örn Jónsson: Krossgötur Stjórnmálaskörungs eða loddar? SDG á völina.
• Geir Ágústsson: Hvaða 'umboð' er þetta?
• Valdimar Samúelsson: Fékk Sigmundur Davíð höfuðhögg eða hvað. Ef þetta eru þingsköp …
• Jón Ingi Cæsarsson: Leikrit Framsóknar.