Sigurjón Arnórsson alþjóðlegur viðskiptafræðingur gefur kost á sér í prófkjöri sjálfstæðismanna fyrir borgarstjórnarkosningar á næsta ári. Hann gefur kost á sér í 4.-6. sæti á lista Sjálfstæðisflokksins segir í tilkynningu.

Sigurjón situr í stjórn félags sjálfstæðismanna í Skóga- og Seljahverfi. Hann útskrifaðist með BA gráðu í hagfræði, heimspeki og stjórnmálafræði frá Háskólanum á Bifröst og M.Sc. gráðu í alþjóðaviðskiptum frá Háskólanum í Reykjavík.

„Sigurjón hefur starfað hjá alþjóðalegum hlutabréfasjóðum, við útflutning á íslenskum æðardún og sem kosningastjóri á skrifstofu sjálfstæðismanna í Breiðholti fyrir alþingiskosningar síðastliðið vor. Auk þess er hann mikill íþróttamaður sem hefur m.a. stundað hnefaleika frá unga aldri.

Að mati Sigurjóns eru mörg brýn málefni sem leggja þarf áherslu á í komandi kosningum. Þar á meðal að flugvöllurinn verði áfram í Vatnsmýrinni og að þjónusta við eldri borgara verði bætt,“ segir enn fremur í tilkynningu.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Alger endurnýjun er forsenda fyrir viðspyrnu