„Ég er ekki búin að taka ákvörðun,“ segir Þorbjörg Helga Vigfúsdóttir, borgarfulltrúi Sjálfstæðisflokksins, í samtali við mbl.is spurð hvort hún ætli að taka fjórða sætinu á framboðslista flokksins vegna borgarstjórnarkosninganna næsta vor en hún hafnaði í því sæti í prófkjörinu sem fram fór um helgina. Hún segist aðspurð vera að hugsa málið og að ákvörðun muni ekki liggja fyrir í dag.

Þorbjörg sóttist eftir fyrsta sætinu á listanum ásamt Halldóri Halldórssyni, Júlíusi Vífli Ingvarssyni og Hildi Sverrisdóttur. Hún hlaut sem fyrr segir fjórða sætið sem er sama sæti og hún var í fyrir síðustu borgarstjórnarkosningar 2009.

Halldór fékk flest atkvæði í fyrsta sætið og Júlíus hlaut annað sætið. Júlíus hefur þegar lýst því yfir að hann ætli að taka það sæti eins og mbl.is greindi frá í gær. Hildur hlaut hins vegar 6. sætið en hún var í 9. sæti fyrir síðustu kosningar.

Þau sóttust öll eftir fyrsta sætinu: Þorbjörg Helga Vigfúsdóttir, Halldór Halldórsson, Júlíus Vífill Ingvarsson og Hildur Sverrisdóttir. mbl.is/Árni Sæberg

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 2 blogg um fréttina

Bloggað um fréttina

• Jón Snæbjörnsson: .... er þetta nú ekki "to much" .. ?
• S i g u r ð u r S i g u r ð a r s o n: Frambjóðendur eiga ekki að væla eftir prófkjör