Ef kosið yrði til bæjarstjórnar Akureyrar í dag fengju sjálfstæðismenn mest fylgi eða 20,6% og þrjá menn kjörna en þeir hafa einn í dag. Þetta kemur fram í niðurstöðum nýrrar skoðanakönnunar sem Capacent gerði fyrir Vikudag.

Munurinn á sjálfstæðismönnum og næsta framboði, L-listanum, er þó innan vikmarka. L-listinn fengi samkvæmt könnuninni 20,1% og tvo menn kjörna. Framsóknarmenn eru þriðju í röðinni með 16,9% fylgi og tvo fulltrúa. Samfylkingin fær sama fjölda fulltrúa með 14,4% fylgi.

Björt framtíð dalar hins vegar og nær inn einum fulltrúa í bæjarstjórn. Fylgi flokksins er 13,3%. Vinstrihreyfingin - grænt framboð fær 11,9% og einn mann. Fylgi Dögunar mælist 2,7% sem skilar engum fulltrúa í bæjarstjórn.

Frétt Vikudags

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Sjálfstæðisfólk stöndum saman