Oddviti Framsóknarflokksins og flugvallarvina, Sveinbjörg Birna Sveinbjörnsdóttir, nær kjöri í borgarstjórn samkvæmt nýrri könnun Félagsvísindastofnunar á fylgi framboðslista í höfuðborginni. Fylgið mælist 5,5%.

Samfylkingin ber höfuð og herðar yfir önnur framboð. Hefur fylgi flokksins aukist frá síðustu könnun og er nú 37,3%. Fengi Samfylkingin samkvæmt því sex borgarfulltrúa, að því er fram kemur í fréttaskýringu um fylgismælinguna í Morgunblaðinu í dag.

Hafsteinn Birgir Einarsson, sérfræðingur hjá Félagsvísindastofnun, segir að oddviti Framsóknar sé fimmtándi maður inn í borgarstjórn. Minnki fylgi framboðsins um 0,2% frá könnuninni nái sjöundi maður Samfylkingarinnar kjöri í stað Sveinbjargar. Stuðningur við Sjálfstæðisflokkinn mælist nú 20,9%, fylgi sem gefur þrjá borgarfulltrúa. Fylgi Bjartrar framtíðar er nú 19,9% og dugar fyrir þremur fulltrúum, Píratar eru með 7,5% og einn mann og Vg 6,1% og einn mann.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir