Dagur B. Eggertsson segist hafa fyrirvara á fyrstu tölum í Reykjavík, en stóru tíðindin séu þó þau að Samfylkingin sé orðinn stærsti flokkurinn í borginni. Hann fagnar því að meirihlutinn standi, samkvæmt fyrstu tölum, en það standi þó tæpt.

„Það verður spennandi að sjá þróunina í nótt en ég vona sannarlega að meirihlutinn haldi,“ sagði Dagur í samtali við mbl.is í Ráðhúsi Reykjavíkur þegar fyrstu tölur lágu fyrir.

Samfylking er með 31,9% atkvæða þegar fyrstu 5.118 atkvæðin höfðu verið talin og 6 menn inni. Það er nokkru minna en kosningakannanir sögðu til um, en mikil aukning frá síðustu borgarstjórnarkosningum.

Aðspurður um hans mikla persónufylgi í kosningunum sagði Dagur ekki vera sitt að skýra það, en hann hefði haft góðan hóp með sér bæði á framboðslistanum og í borgarstjórn undanfarin ár og sagðist hann eiga mikið að þakka öllu því fólki.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Inn á netið með kosningar samtímis gamla laginu !