Píratar í Hafnarfirði hafa farið fram á það við kjörstjórn bæjarins að öll atkvæði vegna sveitarstjórnarkosninganna verði endurtalin þar sem aðeins munaði nokkrum atkvæðum á síðasta manni inn og oddvita Pírata.

Adda María Jóhannsdóttir, frambjóðandi Samfylkingarinnar, var síðust inn í bæjarstjórn Hafnarfjarðar en Brynjar Guðnason, oddviti Pírata, var næstur inn, en aðeins munaði sex atkvæðum.

„Ég fékk beiðni frá þeim um hádegisbilið í dag, þess efnis,“ segir Jóna Ósk Guðjónsdóttir, formaður kjörstjórnar í Hafnarfirði, í samtali við mbl.is. 

Hún segir að næsta verk sé að ná kjörstjórn aftur saman og býst hún við að beiðnin verði rædd í síðasta lagi næsta miðvikudag. „Þá verður tekin afstaða til þessa erindis með formlegum hætti,“ segir Jóna.

„Beiðnin byggist á þessum litla mun sem var á þeirra manni [Pírata] og síðasta manni inn,“ segir hún ennfremur.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Auðveldara að svara í síma en að kjósa á netinu.