Jón Gnarr, borgarstjóri í Reykjavík, kvaddi í gær vettvang borgarmálanna, er hann sat sinn síðasta fund í borgarstjórn, en nýkjörin borgarstjórn tekur við eftir tvær vikur. Tók hann til máls í lok fundar.

„Fyrir mér er þetta svona eins og verið sé að ljúka sambandi, vegna þess að við höfum verið að þroskast sitt í hvora áttina,“ sagði borgarstjórinn, sem sagði embættisskyldum sínum þó ekki enn lokið, þar sem enn væri verið að tengja sig við myndir á Facebook þegar fólk þyrfti að kvarta yfir einhverju, eins og til dæmis ælu á Snorrabraut.

Þakkaði Jón öllum borgarfulltrúum fyrir samstarfið, en bað þau jafnframt afsökunar á þeim tímum, þegar hann hefði hugsanlega sært þau með ómálefnalegri gagnrýni, eða með því að alhæfa um eitthvað sem ekki hefði átt við rök að styðjast.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir