Fleiri ánægðir með störf forsetans
Setja bókamerki
Næstum tvöfalt fleiri landsmenn eru ánægðir með störf Ólafs Ragnars Grímssonar, forseta Íslands, en óánægðir með þau samkvæmt niðurstöðum nýjustu skoðanakönnunar MMR. Þannig eru 47,8% ánægð með störf forsetans en 25,2% óánægð með þau. Tæplega 27% eru hins vegar hvorki ánægð né óánægð með störf forsetans.
Ef aðeins er miðað við þá sem eru ánægðir eða óánægðir með störf Ólafs Ragnars eru um 2/3 landsmanna ánægðir með þau en þriðjungur óánægður. Forsetakosningar fara fram á næsta ári að því gefnu að fleiri en einn verði í framboði. Ólafur Ragnar var endurkjörinn forseti Íslands árið 2012 með 52,8% atkvæða. Hann hefur verið forseti frá árinu 1996.
MMR kannar reglulega ánægju með störf forsetans. Samkvæmt skoðanakönnunum fyrirtækisins hefur ánægja með störf Ólafs sveiflast nokkuð í kringum 50% á kjörtímabilinu. Minnst hefur hún mælst 47,8% í janúar á þessu ári og núna í desember og mest 63,6% í febrúar 2013.
Mest óánægja með störf forsetans var í júlí 2013 þegar hún var 30,1%. Minnst var hún í maí sama ár eða 17,9%.
Biðlistar eftir skurðaðgerðum gætu lengst
Víðir gerir upp mistök frá covid-tímanum
„Þetta var hræðileg stund“
Kvikusöfnun 80% af því sem var fyrir síðasta gos
Skúli sýknaður en 780 milljóna greiðslum rift
Engin læknisþjónusta á heilsugæslunni í verkfalli
Ný könnun: Sjálfstæðisflokkur dalar enn