Bjarni Benediktsson, fjármálaráðherra og formaður Sjálfstæðisflokksins, segir það ekki hafa komið sér á óvart að Ólafur Ragnar Grímsson ætlar ekki að gefa áfram kost á sér í embætti forseta Íslands.

„Ég get ekki sagt að þetta hafi komið mér á óvart með vísan til þess sem hann hafði áður sagt og ekki síður með vísan til þess hversu vel honum hefur tekist að skapa traustan grundvöll fyrir Arctic Circle-ráðstefnunni, sem hann ræðir um í þessu ávarpi, sem verkefni fyrir sig til að vinna um ókomin ár,“ segir Bjarni.

Hann segir brotthvarf Ólafs vera mikil tímamót eftir „óvenjulangan feril" sem forseti. Hann segir jafnframt eftirtektarvert hvaða mynd forsetinn dró upp af stöðu landsins í nýársávarpinu. „Ætli hans stærsta afrek á forsetaferlinum hafi ekki verið að færa þjóðinni réttinn til að útkljá Icesave-deiluna.“

Bjarni segir ótímabært að velta fyrir sé hver muni taka við af Ólafi sem forseti Íslands. „Það verður spennandi að sjá hvaða fólk er tilbúið til að gefa kost á sér. Þetta breytir miklu fyrir allan aðdraganda kosninganna sem verða um mitt næsta ár.“

Frétt mbl.is: Býður sig ekki fram til endurkjörs 

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir

• 2 blogg um fréttina

Bloggað um fréttina

• Jónatan Karlsson: Afrek Kristbjarnar Árnasonar staðfestist svo sannarlega.
• Kristbjörn Árnason: Afrekið staðfestist svo sannarlega