Guðrún Nordal, prófessor og forstöðumaður Árnastofnunar, mun samkvæmt heimildum Morgunblaðsins svara því fyrir lok næstu viku hvort hún verður í framboði við forsetakjör í sumar. Margir hafa að undanförnu hvatt hana til að gefa kost á sér og hefur hún verið að hugsa málið.

Guðrún, sem er 55 ára, hefur verið prófessor við íslenskudeild Háskóla Íslands frá 2005 og forstöðumaður Árnastofnunar frá 2009. Hún er gift Ögmundi Skarphéðinssyni arkitekt og eiga þau eina dóttur. Ekki náðist í Guðrúnu í gær, en hún er stödd í Berlín.

Þess má geta að Salvör Nordal, systir Guðrúnar, hefur einnig verið orðuð við forsetaframboð og hefur hún í samtölum við fjölmiðla sagst liggja undir feldi að hugsa málið.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir