„Jæja, þessi mótmæli stjórnarandstæðinga síðustu daga voru þá ekki til einskis,“ segir Brynjar Níelsson, þingmaður Sjálfstæðisflokksins, á Facebook-síðu sinni og vísar hann þar til ákvörðunar Ólafs Ragnars Grímssonar, forseta Íslands, að gefa áfram kost á sér í embættið. Ólafur tilkynnti um ákvörðunina á blaðamannafundi á Bessastöðum í gær.

Meðal þess sem Ólafur Ragnar skírskotaði til í ávarpi sínu á blaðamannafundinum voru mótmælin á Austurvelli í kjölfar þess að upplýst var að þriggja ráðherra hafi verið getið í svonefndum Panama-skjölum um tengsl við aflandsfélög í skattaskjólum. Sagði hann það ekki hafa gerst áður að mótmælt væri dögum saman. Mótmælin hafi þannig skilað þeim sem tóku þátt í þeim því að Ólafur hafi ákveðið að gefa áfram kost á sér þrátt fyrir fyrri ummæli um að láta af embætti.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir

• 2 blogg um fréttina

Bloggað um fréttina

• Axel Jóhann Axelsson: Er lýðræðið einungis fyrir suma og ekki aðra?
• Páll Vilhjálmsson: Mótmæli gera samfélagið pólitískara