Íslenska þjóðfylkingin býður ekki fram
Setja bókamerki
Íslenska þjóðfylkingin mun ekki bjóða fram í alþingiskosningunum sem fram fara eftir tvær vikur. Flokkurinn hefur tilkynnt yfirkjörstjórnum að allir framboðslistar flokksins hafi verið dregnir til baka.
„Við fengum þessa afturköllun frá þeim í morgun. Við höfðum gert athugasemdir við meðmælendalistann,“ segir Erla S. Árnadóttir, formaður yfirkjörstjórnar í Reykjavíkurkjördæmi norður, í samtali við mbl.is. Athugasemdirnar snerust að því hvort um réttar undirskriftir væri að ræða.
Íslenska þjóðfylkingin skilaði inn framboðslistum í fjórum kjördæmum: Suðurkjördæmi, Suðvesturkjördæmi, Reykjavíkurkjördæmi norður og Reykjavíkurkjördæmi suður.
Frestur til að skila inn framboðslistum rann út á hádegi í gær. Undirskrift vantaði hjá einum frambjóðanda Íslensku þjóðfylkingarinnar á lista flokksins í Reykjavíkurkjördæmi suður og fékk flokkurinn frest hjá yfirkjörstjórn kjördæmisins til klukkan 18 í gær til að skila inn fullnægjandi framboðslista. Nú hefur flokkurinn hins vegar dregið alla fjóra framboðslista sína til baka.
Áfram óvissustig vegna skriðuhættu
Var rétt komin ofan í sprunguna
Minni tafir en í sambærilegum borgum
/frimg/1/50/98/1509812.jpg)
Aukin tíðni strætóferða fyrir fleiri íbúa
Við urðum að byrja upp á nýtt
Telur njósnirnar vega að lýðræðinu á Íslandi
Vatni hleypt aftur á Flateyri
Lýsa yfir stuðningi við kennara