Ákvörðun um framhaldið tekin í dag
Setja bókamerki
Það skýrist væntanlega í dag hvort stjórnarmyndunarviðræður Vinstrihreyfingarinnar græns framboðs, Samfylkingarinnar, Framsóknarflokksins og Pírata halda áfram. Formenn flokkanna funduðu stíft alla helgina og fundað var fram á kvöld í gær á skrifstofu VG. Formennirnir hófu aftur að funda núna klukkan 10, að fram kemur á vef RÚV.
„Ég hef sagt það og stend við það að línur skýrast á morgun, mánudag. Ég vænti þess að þá sjáum við fram úr þessu,“ sagði Katrín Jakobsdóttir, formaður VG, í samtali við Morgunblaðið í gærkvöldi, en forseti Íslands veitti henni umboð til stjórnarmyndunar fyrir helgi.
Katrín sagði í gær að að ekki hefði enn náðst lokaniðurstaða í stóru málefnunum. „Nei, eins og ég hef sagt þá er ekki búið að hnýta neitt saman,“ sagði hún meðal annars. Hún sagði jafnframt að verið væri að fara yfir þungavigtarmál eins og stöðuna á vinnumarkaði, kjaramál, kjör öryrkja og aldraðra, uppbyggingu í heilbrigðis- og menntamálum, sem og samgöngumálum.
Auka aðgengi að Grindavík
Unnið að hraunkælingu allan sólarhringinn
„Við vöknuðum við hljóð frá sprengingum“
Falskur fyrirvari á auglýsingum Höllu
Ekki hægt að slá gosið út af borðinu strax
Hvatti kjósendur til þess að greiða ógild atkvæði
Vinna hefst í dag við að reisa undirstöður
Fæðuöryggi: „Áttum mat í þrjár vikur“