„Mikið væri gott ef fólk gæti litið meira í eig­in barm og sett sömu kröf­ur um heil­indi á sjálft sig og það ger­ir á aðra,“ seg­ir Kol­beinn Ótt­ars­son Proppé, þingmaður Vinstri­hreyf­ing­ar­inn­ar - græns fram­boðs, á Face­book-síðu sinni í dag þar sem hann ger­ir að um­tals­efni mál­flutn­ing for­ystu­fólks Sam­fylk­ing­ar­inn­ar og Viðreisn­ar í garð Katrín­ar Jak­obs­dótt­ur, for­manns VG, vegna stjórn­ar­mynd­un­ar­viðræðna henn­ar við Sjálf­stæðis­flokk­inn og Fram­sókn.

„Allt er víst leyfi­legt í póli­tík­inni og það sýn­ir for­ystu­fólk Viðreisn­ar og Sam­fylk­ing­ar svo sann­ar­lega þessa dag­ana. Ein­hvern veg­inn hélt ég að hin nýju boðuðu stjórn­mál gengju út á annað en þær ósvífnu árás­ir sem þetta fólk stend­ur nú fyr­ir í garð Katrín­ar Jak­obs­dótt­ur. Þau kepp­ast hvert við annað um að bera upp á Katrínu óheil­indi, blekk­ing­ar og lyg­ar, með því að ýja að – og segja nokkuð hreint út – því að Katrín hafi ekki verið í viðræðum stjórn­ar­and­stöðuflokk­anna af heilindum, önn­ur stjórn hafi alltaf verið á teikni­borðinu, jafn­vel frá því fyr­ir kosn­ing­ar, eins og formaður Viðreisn­ar leyf­ir sér að segja í dag.“

Tengd­ar frétt­ir

Alþing­is­kosn­ing­ar 2017

Vildu stýra fjór­um nefnd­um

• Mik­ill stuðning­ur við rík­is­stjórn­ina
• Þing gæti komið sam­an um miðjan mánuð
• Póli­tísk­ur ráðherra, ekki fagráðherra
• Kosið of snemma um stjórn­arslit

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Jó­hann­es Ragn­ars­son: Þá er betra að steindrep­ast inn í Sjálftæðis­flokk­inn