Geir oddviti Miðflokksins í Kópavogi
Setja bókamerki
Geir Þorsteinsson leiðir framboð Miðflokksins í Kópavogi sem býður nú fram í fyrsta skipti í sveitarstjórnarkosningum sem haldnar verða 26. maí. Markmiðið er að ná fram betri árangri fyrir alla íbúa Kópavogsbæjar, að því er segir í tilkynningu.
Geir hefur áratuga reynslu á sviði stjórnunar, fjármála, reksturs og félagsmála. Hann hefur m.a. starfað að fjölbreyttum verkefnum innan knattspyrnuhreyfingarinnar frá 1981 og í Knattspyrnusambandi Íslands (KSÍ) frá 1992, sem framkvæmdastjóri KSÍ 1997-2007 og formaður KSÍ 2007-2017. Hann hefur setið í nefndum fyrir Knattspyrnusamband Evrópu UEFA frá 1998 og Alþjóðaknattspyrnusambandið FIFA frá 2007 og sinnir nú sérstökum verkefnum fyrir Knattspyrnusamband Evrópu.
Geir segir að eitt stærsta verkefnið á kjörtímabilinu verði að lækka álögur á bæjarbúa og bæta þjónustu bæjarins við íbúana. M.a. vill flokkurinn lækka útsvarið úr 14,48% í 14% á kjörtímabilinu.
Miðflokkurinn mun kynna ítarlega stefnu sína og framboðslista á næstunni.
Forstjóri bendir á ábyrgð birgja vegna verðhækkana
Funda með þingflokkum
Lát hjóna í Neskaupstað: Ákæra gefin út
Beint: Ný ríkisstjórn tekin við völdum
„Börn heima sem maður myndi vilja hafa í skjóli“
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
Alvarleg netárás á Wise
