Sigurður Óli Þórleifsson er nýr oddviti Framsóknarfélags Grindavíkur. Framboðslisti fyrir sveitarstjórnarkosningarnar í vor var samþykktur á félagsfundi Framsóknarfélags Grindavíkur í gær.

Sigurður Óli er 42 ára og starfar hjá Ísfelli sem sölustjóri Mustad-beitingarvéla. Hann er kvæntur Önnu Dröfn Clausen og eiga þau 4 syni. Sigurður Óli hefur verið knattspyrnudómari í yfir 20 ár, þar af 10 ár sem alþjóðlegur knattspyrnudómari og er í dag í dómaranefnd KSÍ.

Kennarar skipa þrjú af fjórum efstu sætum listans. Í öðru sæti er Ásrún Helga Kristinsdóttir, grunnskólakennari og bæjarfulltrúi frá 2014. Í þriðja sæti er Guðmundur Grétar Karlsson framhaldsskólakennari og í fjórða sæti er Þórunn Erlingsdóttir, íþróttafræðingur og grunnskólakennari. 

Í tilkynningu frá félaginu segir að málefnavinna Framsóknar muni halda áfram næstu vikur og muni bæjarbúum gefast kostur á að hafa áhrif á stefnu flokksins fyrir komandi kosningar. „Ljóst er af samsetningu listans að mikil áhersla verður á fjölskyldumál, svo sem fræðslu-, íþrótta- og æskulýðsmál.“

Hér má sjá framboðslista Framsóknar í Grindavík í heild sinni: 

1. Sigurður Óli Þórleifsson sölustjóri
2. Ásrún Helga Kristinsdóttir, grunnskólakennari og bæjarfulltrúi
3. Guðmundur Grétar Karlsson framhaldsskólakennari
4. Þórunn Erlingsdóttir, íþróttafræðingur og kennari
5. Anton Kristinn Guðmundsson matreiðslumeistari
6. Justyna Gronek gæðastjóri      
7. Hallur Gunnarsson, formaður Minja- og sögufélags Grindavíkur
8. Valgerður Jennýjardóttir leiðbeinandi
9. Páll Jóhann Pálsson, útgerðarmaður og bæjarfulltrúi
10. Sigurveig Margrét Önundardóttir grunnskólakennari
11. Björgvin Björgvinsson húsasmíðameistari
12. Theodóra Káradóttir flugfreyja
13. Friðrik Björnsson rafvirkjameistari                       
14. Kristinn Haukur Þórhallsson, eldri borgari

Tengdar fréttir

Sveitarstjórnarkosningar 2018

„Umtalsverðir annmarkar“ á kosningunum

• Styrkja flokkana um 13,3 milljónir
• Finnur Yngvi ráðinn í Eyjafjarðarsveit
• Ráðinn bæjarstjóri Ísafjarðarbæjar
• Aðalheiður ráðin bæjarstjóri á Seyðisfirði

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Grindvíkingum vottuð samúð