Lögheimili bæjarfulltrúa úrskurðað ólöglegt
Setja bókamerki
Einar Birkir Einarsson, bæjarfulltrúi í Hafnarfirði, sat ekki fund bæjarstjórnar Hafnarfjarðar í dag þar sem Þjóðskrá hefur úrskurðað lögheimili hans í Hafnarfirði ólöglegt.
Einar Birkir flutti í Kópavog á miðju kjörtímabili. Hann sendi frá sér tilkynningu í dag þar sem hann þakkaði bæjarfulltrúum fyrir samstarfið og óskaði þeim velfarnaðar.
Einar Birkir var bæjarfulltrúi Bjartrar framtíðar í Hafnarfirði þar til í byrjun apríl þegar hann, ásamt Guðlaugu Kristjánsdóttur, sagði sig úr flokknum vegna samstarfsörðugleika og trúnaðarbrests innan flokksins. Einar Birkir hefur setið sem óháður bæjarfulltrúi síðan.
Hann skipar fjórtánda sæti á Bæjarlistanum í Hafnarfirði fyrir komandi kosningar. Á vef Fjarðarfrétta er greint frá því að Einar Birkir sé ekki lengur gjaldgengur á lista flokksins í sveitarstjórnarkosningunum sem fara fram á laugardag.
„Verðum að grípa til ráðstafana sjálf“
„Við erum sátt“
„Þetta verður ekki spennandi seinni partinn“
Nýr ráðherra segir læsisvanda blasa við
Myndskeið: Borgarísjaki birtist óvænt við Blönduós
Talið að flugeldum hafi verið skotið á svalirnar
Segir draug hafa ráðist á Ólaf Ragnar