Útilokar samstarf við Sjálfstæðisflokkinn
Setja bókamerki
„Þetta er stórsigur hjá okkur sósíalistum vegna þess við erum glænýr flokkur með lítið sem ekkert fjármagn á bak við sig. Það er glæsilegt að sjá almenning standa saman, rísa upp gegn óréttlætinu og ná þessum árangri,“ segir Sanna Magdalena Mörtudóttir, oddviti Sósíalistaflokksins í Reykjavík.
Sósíalistaflokkurinn fékk 6,4% atkvæða í Reykjavík, sem var ávísun á eitt sæti í borgarstjórn. Greint var frá því í dag að Sanna Magdalena Mörtudóttir væri yngsti fulltrúinn sem kjörinn hefur verið í borgarstjórn en hún sló met Davíðs Oddssonar frá 1974. Hún segist mjög ánægð með það að hafa slegið metið.
„Það er jákvætt að sjá ungt fólk í stjórnmálum, sérstaklega í ljósi þess að ég er kona og af blönduðum uppruna vegna þess að það þarf að auka sýnileika kvenna og dökkra einstaklinga í svona stöðu á Íslandi.“
Aðspurð segir Sanna að samstarf við Sjálfstæðisflokkinn, stærsta flokkinn í borginni, sé útilokað.
„Við töluðum um í kosningabaráttunni að þeir sem ganga erinda auðvaldsins væru andstæðinga almennings og að við gætum ekki fundið sameiginlega fleti.“
Hún segir að í viðræðum um myndun meirihluta í borgarstjórn leggi flokkurinn áherslu á þrjú mál. Valdið til fólksins, húsnæði fyrir alla og mannsæmandi kjör fyrir alla. „Það eru vandamálin sem grasrótin hefur sagt að þurfi að leysa þannig að við setjum gríðarlega áherslu á að því verði framfylgt almennilega.“
Hún segir að flokkurinn hafi skýr markmið og að þeim verði náð í samvinnu við almenning en ekki með valdboði að ofan sem almenningur á að sætta sig við.
Erlendir þjófar stela frá gestum á Þingvöllum
Silja Bára næsti rektor Háskóla Íslands
Play Europe fær flugrekstrarleyfi á Möltu
Jón Gnarr tók vakt á Stuðlum í gær
Aukin fjármögnun forgangsmál
„Mjög skýrt að Evrópa mun ekki bakka“
Þyngir róður fjölskylduútgerða
„Ef við tímasetjum ekki samskiptin þá gerist ekki neitt“
