Taka ekki þátt í meirihlutaviðræðum
Setja bókamerki
Sanna Magdalena Mörtudóttir, borgarfulltrúi Sósíalistaflokksins, og Daníel Örn Arnarsson, varaborgarfulltrúi flokksins, ætla ekki að taka þátt í fyrirhuguðum viðræðum um meirihlutasamstarf í borgarstjórn Reykjavíkur. Þetta kemur fram á vefsíðu flokksins.
Sósíalistaflokkurinn hlaut einn borgarfulltrúa í nýafstöðnum sveitarstjórnarkosningum.
„Einn borgarfulltrúi tjóðraður niður í meirihlutasamstarf við aðra flokka mun fá litlu áorkað. Einn borgarfulltrúi getur ekki breytt kerfinu innan frá, allra síst ef hans fyrsta verk verður að ganga inn í svo til óbreyttan meirihluta um stefnu sem sósíalistar gagnrýndu harðlega í kosningabaráttunni,“ segir í tilkynningu frá Sönnu og Daníel Erni á vefsíðunni.
„En einn borgarfulltrúi getur tekið virkan þátt með félögum sínum í að byggja upp samstöðu meðal láglaunafólks, innflytjenda, leigjenda, eftirlaunafólks, öryrkja og annarra valdalausra hópa og verið farvegur fyrir baráttu þeirra inn í borgarstjórn. Þannig borgarfulltrúar viljum við vera og þannig borgarfulltrúa eru félagar okkar í Sósíalistaflokknum að kalla eftir,“ segir einnig í tilkynningunni.
Þar kemur fram að ekkert muni ávinnast í samningaviðræðum eins borgarfulltrúa við ríkjandi öfl.
„Má segja að þetta gos hafi þjófstartað“
Hótar Bretum og Bandaríkjamönnum
Börn hafi engan rétt á leikskólakennslu
Hluti bílastæðis undir hraun: Ómögulegt að meta tjón
/frimg/1/53/8/1530844.jpg)
Myndir: Náttúrulegur þröskuldur að taka við
„Erum í miðri hrinu“: Styttist í Eldvörp
Hraunið við bílastæði Bláa lónsins