Danskur læknir gagnrýnir ofnotkun áfallahjálpar

Torben Mogensen, yfirlæknir á sjúkrahúsinu í Hvidovre, segir í grein í Berlingske Tidende í dag, að fólk eigi að gera tekist á við hversdagsleg áföll án þess að fá áfallahjálp eða sálfræðimeðferð. „Menn verða að velta því fyrir sér hvernig samfélagið hefur þróast, fyrst talin er þörf á áfallahjálp eftir hversdagslega atburði," segir Mogensen í greininni.

Bent er á að t.d. sjónarvottar að ofbeldisverkum og slysum fái orðið áfallahjálp í Danmörku, starfsfólk hjúkrunarheimilis þar sem kom upp hneykslismál og jafnvel starfsmenn sveitarfélaga sem eru sameinuð.

„Það hlýtur að enda með ósköpum ef samfélag okkar er þannig, að fólk lætur bugast við minnsta áfall. Það verður að búa fólk undir að það kann að verða vitni að einhverju óþægilegu um ævina og sem það verður að takast á við sjálft," segir læknirinn m.a.

Umfjöllun Berlingske Tidende

• 1 blogg um fréttina

Bloggað um fréttina

• Pálína Erna Ásgeirsdóttir: Do it your self