Einhverfa algengari meðal bandarískra barna en talið hefur verið

Einhverfa er algengari meðal bandarískra barna en talið hefur verið, og hefur eitt af hverjum 150 börnum þar einhverfueinkenni, samkvæmt niðurstöðum rannsóknar sem gerð var á vegum Farsóttar- og forvarnamiðstöðvar Bandaríkjanna.

Rannsóknin er byggð á víðtækustu gögnum sem aflað hefur verið til þessa um átta ára börn í 20 ríkjum Bandaríkjanna. Ákveðið var að rannsaka átta ára börn því að fyrri rannsóknir hafa sýnt að á þeim aldri hefur greining á einhverfu oftast verið komin fram.

Framkvæmdastjóri miðstöðvarinnar segir að ekki liggi ljóst fyrir hvort þetta merki að tilfellum hafi farið fjölgandi, eða sé til marks um bætta greiningartækni.

• 3 blogg um fréttina

Bloggað um fréttina

• Salvör Kristjana Gissurardóttir: Einhverfa, ofvirkni og athyglisbrestur
• Púkinn: Misskilningur
• Pálína Erna Ásgeirsdóttir: Hvaðan er þessi frétt?