Ástralskir skólar loka á YouTube

Viktoríuríki í Ástralíu hefur bannað notkun vefsvæðisins YouTube í skólum til að stöðva birtingu á fautaskap og einelti eftir að drengjahópur í útjaðri borgarinnar Melbourne birti myndskeið þar sem þeir lítillækkuðu 17 ára stúlku.

YouTube verður nú sett á lista yfir vefi sem ekki er hægt að skoða í skólum í ríkinu og segja talsmenn ríkisstjórnarinar í Viktoríu að einelti hafi ekki verið liðið hingað til og að stefnan nái til netsins líka.

Nýleg könnun sem háskólinn í Mebourne gerði benti til þess að um þriðjungur unglinga á aldrinum 12 til 17 ára hafi lent í einhvers konar einelti tengdu netinu og að stúlkur séu 2,5 sinnum líklegri til að lenda í slíku en drengir.

• 2 blogg um fréttina

Bloggað um fréttina

• Brosveitan - Pétur Reynisson: Áleitnar spurningar sem við verðum að svara.
• Gúrúinn: Meira einelti ...