Framkvæmdastjórn ESB gerir enn athugasemdir við viðskiptahætti Apple

Framkvæmdastjórn Evrópusambandsins hefur sakað Apple um að brjóta lög sambandsins með því að innheimta misjafnt verð fyrir þjónustu í iTunes versluninni eftir því hvar hún er seld. Sendi framkvæmdastjórnin Apple og nokkrum tónlistarútgefendum athugasemdir við þetta í dag, en slíkt er fyrsta skrefið í formlegum aðgerðum.

Fyrirtækin hafa nú tvo mánuði til að svara athugasemdunum. Evrópskir neytendur geta aðeins hlaðið niður tónlist af vefsvæði iTunes í því landi sem þeir eru búsettir og er verð misjafnt eftir löndum. Komið er í veg fyrir að notendur kaupi tónlistina annars staðar með því að takmarka sölu við greiðslukort skráð í viðkomandi landi.

• 2 blogg um fréttina

Bloggað um fréttina

• Níels A. Ársælsson.: Segir Íslenzkar útgerðir njóta ríkisstyrkja
• Birgir Elíasson: En flugmiðar