Geimferðalangur kominn til alþjóðlegu geimstöðvarinnar

Rússneskt Soyuz-geimskip kom nú síðdegis að alþjóðlegu geimstöðinni en um borð er bandaríski milljarðarmæringurinn Charles Simonyi og tveir rússneskir geimfarar. Bandarískir og rússneskir embættismenn og gestir, þar á meðal bandaríska sjónvarps- og kaupsýslukonan Martha Stewart, fylgdust með því í rússnesku geimferðamiðstöðinni við Moskvu þegar geimfarið tengdist við geimstöðina og fögnuðu vel en Stewart og Simonyi eru vinir.

Simonyi er kerfisfræðingur, sem tók m.a. þátt í að smíða ritvinnslukerfið Microsoft Word. Hann greiddi 25 milljónir dala, jafnvirði um 1,7 milljarða króna, fyrir farið. Er hann fimmti geimferðamaðurinn, sem ferðast með rússneskum geimförum.

Hann kemur til jarðar á ný 20. apríl.

• 4 blogg um fréttina

Bloggað um fréttina

• Sigfús Sigurþórsson.: Af hverju?
• Níels A. Ársælsson.: Einn góður af barnum
• Kristín M. Jóhannsdóttir: Kærasti Mörthu
• Sigurður G. Tómasson: Aumingja maðurinn!