Nýr áfangi í baráttunni við krabbamein

Bandarískir vísindamenn hafa fundið erfðavísa, sem tengjast vexti krabbameinsfruma í brjósti og útbreiðslu þeirra til lungnanna. Benda rannsóknir til þess, að með tiltekinni lyfjameðferð sé hægt að koma í veg fyrir að þessir stökkbreyttu erfðavísar myndi æxli og berist í önnur líffæri með blóði eða um sogæðar.

Í tilraun sem gerð var á músum kom í ljós að hægt var að draga verulega úr æxlismyndun með ákveðinni lyfjablöndu, að því er Joan Massague, sem stýrði rannsókninni, sagði við AFP fréttastofuna.

Sagt er frá rannsóknunum í nýjasta hefti tímaritsins Nature. Fram kemur að lyfin, sem notuð voru, séu öll þekkt og sum þeirra séu þegar notuð til að meðhöndla sjúkdóma.

Vefsíða Nature

• 1 blogg um fréttina

Bloggað um fréttina

• Jóhannes Ragnarsson: Er lækning við óperusöng í sjónmáli?