Íslendingar telja atvinnuöryggi mikið

Í árslokakönnun Gallup um atvinnuöryggi sem gerð var í 61 landi víðsvegar um heiminn kemur fram að 83% Íslendinga segjast búa við atvinnuöryggi.

Í könnuninni voru þátttakendur spurðir hvort þeir byggju við atvinnuöryggi eða hvort hætta væri á að þeir misstu vinnuna.

Norðmenn eru öruggastir um sinn hag, en 85% þeira segjast búa við atvinnuöryggi, Danir fylgja fast á hæla Norðmanna, en 84% Dana telja sig búa við atvinnuöryggi, næstir koma Svíar með sömu prósentutölu og Malasíubúar en Íslendingar eru í fimmta sæti.

Í Kamerún er atvinnuöryggið minnst samkvæmt könnuninni, þar segjast 51% telja hættu á að þeir missi vinnunar, 47% Serba óttast um atvinnuöryggi sitt, 44% Kósóva og 44% Panamabúa.

Íslendingar telja sig hins vegar öruggasta um að finna nýtt starf ef þeir missa vinnuna, 79% Íslendinga sögðust vissir um að finna fljótlega nýtt starf ef þeir misstu vinnuna. 72% Ástrala voru jafn bjartsýn, 72% Ný-Sjálendinga og 70% Dana.

Egyptar eru svartsýnastir á að finna nýtt starf en 70% þeirra segjast telja að það myndi taka langan tíma að finna nýtt starf. 64% svöruðu þvi sama í Paragvæ, 62% í Kanía og 62% i Írak.

• 1 blogg um fréttina

Bloggað um fréttina

• Salmann Tamimi: Íslendingar telja atvinnuöryggi mikið