Ný pláneta finnst
Setja bókamerki
Stjörnufræðingar hafa uppgötvað plánetu í sólkerfi sem er ennþá í mótun. Sagt er frá því á fréttavef BBC að talið sé að plánetur þróist innan um gas og rykkorn sem fara hringsólandi á braut í kringum stjörnur sem eru í fæðingu.
Rannsóknir á nýjum plánetum geta sagt stjörnufræðingum margt um fæðingu og þróun stjörnukerfa, að meðtöldu okkar eigin sólkerfi.
Að sögn Johny Setiawan, frá Max Planck stjörnufræðistofnun í Þýskalandi, hefur plánetan nærri tíu sinnum meiri massa en Júpiter, og fer hún í hring kringum TW Hydrae, nálæga stjörnu sem er átta til tíu milljón ára gömul.
Vísindamenn segja að rannsóknin sýni að plánetur geti myndast á innan við tíu milljón árum, það er áður en brautin hefur dreifst vegna stjörnuvinda og geislunar.
Stjörnufræðingar komu auga á plánetuna í stjörnuathugunarstöð í La Silla í Chile.
Stjarnan TW Hydrae er staðsett 182 ljósárum í burtu í stjörnumerkinu Hydra.
Nánari upplýsingar um uppgötvunina er að finna í tímaritinu Nature.
Þetta eru ráðherrar ríkisstjórnarinnar
Segir að verið sé að svindla á Bandaríkjunum
Alvarleg netárás á Wise
Beint: Ný ríkisstjórn tekin við völdum
„Börn heima sem maður myndi vilja hafa í skjóli“
Bjarni: „Útilokað að þetta geti gengið upp“
