Staðlastríðinu er loksins lokið
Setja bókamerki
Tæknifyrirtækið Toshiba hefur nú opinberlega játað sig sigrað í baráttunni um háskerpumynddiskana en fyrirtækið hefur ákveðið að leggja niður HD-DVD-staðal sinn. Fréttastofa Reuters hefur það eftir japönsku NHK-fréttastofunni að Toshiba muni hætta að eyða tíma sínum og fjármunum í framleiðslu og þróun á HD-DVD-spilurum og muni á endanum snúa sér að framleiðslu á Blu-ray-spilurum.
Upphaf andarslitra HD-DVD má rekja til þeirrar ákvörðunar Warner bros.-kvikmyndaversins að skipta alfarið yfir í Blu-ray-staðalinn en undanfarna daga hafa stórir markaðsaðilar á borð við BestBuy og Wallmart ákveðið að einblína á Blu-ray og það mun hafa verið síðasti naglinn í líkkistu HD-DVD. Í ljósi þessa er reiknað með því að sala á háskerpumynddiskum og spilurum aukist til muna en talið er að staðlastríðið hafi haldið aftur af tækninni.
Talsmenn Toshiba hafa ekki viljað staðfesta fréttir NHK en fyrirtækið hefur tapað gríðarlegum fjármunum á HD-DVD, allt að hundruðum milljónum dollara. vij
Kínverska sendiráðið gagnrýnir íslensku lögregluna
Framkvæmdir kærðar til lögreglu
Þarf að auka varnir á norðurslóðum
Erlendir þjófar stela frá gestum á Þingvöllum
Misbauð hegðun borgarfulltrúa: „Ég biðst afsökunar“
Aukin fjármögnun forgangsmál
Jón Gnarr tók vakt á Stuðlum í gær
Hafnaði 10 milljóna króna miskabótakröfu