Lagt til að hraða þróun vetnistækninnar

Flýta ætti þróun á notkun vetnis til eldsneytis en með því mætti minnka heildarolíunotkun á bifreiðar um 40% frá og með nú til ársins 2050. Þetta eru niðurstöður evrópsks rannsóknaverkefnis sem styrkt er af 6. rannsóknaáætlun Evrópusambandsins.

Fram kemur á vef RANNÍS að verkefnið heiti HyWays og sé unnið í samvinnu 10 Evrópulanda. Þar kemur jafnframt fram að upplýsingarnar birtist á sama tíma og Evrópusambandið hefur ákveðið að leggja 470 milljónir evra í að flýta þróun vetnistækninnar til að stytta megi þann tíma sem taki að markaðssetja vetnislausnir, en markmiðið er að þær verði komnar í notkun á markaði milli 2010 og 2012.

Vefur RANNÍS. 

• 3 blogg um fréttina

Bloggað um fréttina

• Haraldur Haraldsson: Lagt til að hraða þróun vetnistækinnar,en það er langt i …
• María Hildur Maack: Vetnisþróunin
• Hermann Karl Björnsson: merkilegur endir á fréttinni....