Í lagi að drekka vín með barn á brjósti

Nú mega konur með barn á brjósti drekka vín og áfenga drykki í hófi. Sænska manneldisráðið hefur hingað til ráðlagt konum að drekka ekki áfengi þar sem talið var að það findi sér leið í gegnum brjóstamjólkina og gæti haft skaðleg áhrif á barnið en nú hefur verið horfið frá þeirri stefnu.

Samkvæmt frétt í sænska ríkissjónvarpinu hefur sænska manneldisráðið yfirfarið öll þau ráð sem gefin eru óléttum konum og konum með barn á brjósti og komist að þeirri niðurstöðu að tími sé kominn til að færa sum þeirra til nútímans.

Samkvæmt nýju ráðgjöfinni eiga konur með barn á brjósti að geta drukkið eitt til tvö vínglös einu sinni til tvisvar í viku en óléttar konur eiga eigi að síður að halda sig frá öllu áfengi.

Vitnað er í rannsóknir Olle Hernell prófessors í ungbarnalækningum við háskólann í Umeå en hann hefur komist að þeirri niðurstöðu að hófleg áfengisneysla kvenna með barn á brjósti sé ekki skaðleg fyrir barnið.

• 6 blogg um fréttina

Bloggað um fréttina

• Þorsteinn Gunnarsson: Og eina mjóa línu hálfsmánaðalega
• Guðrún Emilía Guðnadóttir: Ekkert er nú yndislegra en að hafa barn á brjósti, …
• Morten Lange: Mömmur í JP: Velja hjól fram yfir börn
• Jónína Benediktsdóttir: Bull er þetta!
• Þórhildur Daðadóttir: Nei hættu nú...
• Sigurður R. Guðmundsson: Ekki það sem íslenskir læknar eða WHO mæla með