Airbus A380 flugvél lenti á Heathrow í dag

Risavél flugfélagsins Singapore Airlines, af gerðinni Airbus A380, lenti í á Heathrow flugvelli í London í dag, í fyrsta farþegaflugi vélarinnar til Evrópu.  Á fréttavef BBC kemur fram að í vélinni, sem er á tveim hæðum, voru 470 farþegar og tók flugið þrettán og hálfa klukkustund.  

Singapore Airlines er með þrjár vélar af þessari gerð í notkun og hefur þeim verið flogið frá Singapore til Sydney í Ástralíu.   Vélin var afhent flufélaginu í október eftir miklar tafir á smíði vélarinnar, en kostnaður fór einnig langt fram úr áætlun. 

Breska flugfélagið British Airways hefur pantað 12 slíkar vélar sem eiga að verða afhentar í fyrsta lagi 2012, og flugfélagið Virgin Atlantic hefur pantað 6 sem verða afhentar í fyrsta lagi árið 2013.

• 2 blogg um fréttina

Bloggað um fréttina

• Hermann Karl Björnsson: skemtileg frétt
• Valur Stefánsson: Enginn smáfugl