Langmesta netvæðingin hér

Ísland er það land í Evrópu þar sem netvæðing er komin lengst en hér nota 88% af íbúum 14 ára og eldri netið reglulega, að því er kemur fram í nýrri skýrslu frá markaðsrannsóknafyrirtækinu GfK. Finnar koma næstir með 81%, Norðmenn og Danir með 76% og Svíar með 73%.

Í stærstu löndum Vestur-Evrópu er netnotkunin almennt 50-60%. Þannig nota 63% Breta netið reglulega, 61% Þjóðverja, 56% Frakka og 53% Ítala.

Ef horft er til Vestur-Evrópu er þetta hlutfall lægst á Möltu þar sem aðeins 25% þjóðarinnar notað netið reglulega. Á Spáni er hlutfallið 35%, 43% í Portúgal og 45% á Írlandi.

Í allri Evrópu er Albanía hins vegar það land þar sem netvæðing er komin skemmst á veg en aðeins um 1% albönsku þjóðarinnar notar netið reglulega. Í öllum löndum Austur-Evrópu er þetta hlutfall innan við 50% en Slóvenía er undanskilin en þar er hlutfallið 61%. 

• 2 blogg um fréttina

Bloggað um fréttina

• Björgvin Guðmundsson: 88% Íslendinga nota netið reglulega
• Rosaleg: Tölvueign landsmanna