Tasmaníudjöfullinn að deyja út

Ástralski tasmaníudjöfullinn er nú kominn í útrýmingarhættu sökum andlitskrabbameins sem hefur þurrkað út um 60% af stofninum. Þetta kemur fram á fréttavef Reuters.  

Þjáist dýr af þessu meini tekur það yfirleitt ekki nema fáeina mánuði fyrir það að deyja. Talið er að tasmaníudjöfullinn deyji út út á 10 til 20 árum. „Við erum staðráðin í að finna lausn á þessu og bjarga dýrinu frá því að deyja út,“ sagði David Llewellyn iðnaðarráðherra Tasmaníu.

Tasmaníudjöfullinn er pokadýr sem eingöngu lifir á eyjunni Tasmaníu suður af Ástralíu. Hann lítur ekki út eins og flest pokadýr og minnir hann frekar á lítið bjarndýr. Hann er eini núlifandi fulltrúi meðalstórra ránpokadýra eftir að tasmaníutígurinn dó út á fyrri hluta síðustu aldar. Ef dýrið finnur fyrir streitu gefur það frá sér lykt ekki ólíkt þeirri sem skunkar gefa frá sér við svipaðar aðstæður.

• 3 blogg um fréttina

Bloggað um fréttina

• Guðsteinn Haukur Barkarson: Guð geymi þennan djöful
• hofy sig: Tasmaníuskollinn
• Ketill Sigurjónsson: Kol og hvalir