Plöntur flýja til fjalla

Plöntur eru lagðar á flótta undan hlýnandi andrúmslofti jarðar, og leita á hærri og kaldari slóðir en áður, samkvæmt rannsókn á 171 skógarplöntutegund í Vestur-Evrópu. Flestar hafa valið sér nýtt kjörlendi í meiri hæð yfir sjávarmáli, þar sem loftið er kaldara.

Þetta er í fyrsta sinn sem hægt er að greina merki um loftslagsbreytingar á hæðardreifingu plantna, en ekki einvörðungu í viðkvæmum vistkerfum, segir Jonathan Lenoir, vísindamaður við AgroParisTech í Nice í Frakklandi.

Hann og samstarfsfólk hans uppgötvaði „umtalsverða tilfærslu upp á við á kjörlendishæð plantna, þeirri hæð yfir sjávarmáli þar sem líklegast er að plönturnar sé að finna.“

Frá niðurstöðunum er greint í vísindaritinu Science.

• 2 blogg um fréttina

Bloggað um fréttina

• Snorri Bergz: Tíðar strætisvagnaferðir
• Salvör Kristjana Gissurardóttir: Enginn ís á Norðurpólnum í ár