Ofnæmislausir veitingastaðir í Svíþjóð

Sænsku asthma- og ofnæmissamtökin greindu frá því í dag að fljótlega geti veitingahúsagestir í Svíþjóð með ofnæmi verið öruggir um að fá mat sem inniheldur ekki ofnæmisvaldandi efni. Um er að ræða vottun á því að staðirnir bjóði ekki upp á matvæli sem geta valdið ofnæmi.

Til þess að fá vottunina verður starfsfólk staðanna að fara á námskeið þar sem því verður leiðbeint með að aðstoða fólk sem er með ofnæmi og leiðbeina því hvaða hráefni sé í matnum.

Talið er að einn af hverjum fjórum Svíum séu með einhvers konar matarofnæmi þó svo að í flestum tilvikum sé um vægt ofnæmi að ræða. Á þetta við um fullorðna einstaklinga.

• 3 blogg um fréttina

Bloggað um fréttina

• Snorri Bergz: Ofnæmi fyrir Svíum
• Bergur Thorberg: Veitingastaðir með ofnæmi fyrir sjálfum sér?
• Anna Guðný : Kominn tími til!