iPhone leigði biðraðir

Stærsta síma­fyr­ir­tæki Pól­lands, Telekom­unikaja Polska viður­kenndi í dag að það hefði greitt ung­um og svöl­um auka­leik­ur­um úr kvik­mynda­heim­in­um til að standa í biðröð þegar Apple iP­ho­ne kom fyrst á markað þar í landi.

„Þetta var liður í markaðssetn­ing­unni. Okk­ur fannst þetta nokkuð áhuga­verð hernaðaráætl­un," sagði talsmaður TP við AFP frétta­stof­una.

iP­ho­ne sím­tæk­in fóru í sölu í Póllandi á miðnætti síðast liðið og fóru biðraðir að mynd­ast fyr­ir utan versl­an­ir Orange sem er í eigu TP nokkr­um tím­um fyr­ir miðnættið. Sum­ir buðu stað sinn í biðröðinni fal­ann fyr­ir 3600 til 10 þúsund ís­lensk­ar krón­ur.

„Mark­miðið var að vekja at­hygli fólks á iP­ho­ne með biðröðunum. Fólkið í biðröðunum fræddi fólk um iP­ho­ne," sagði talsmaður­inn.

• 1 blogg um frétt­ina

Bloggað um frétt­ina

• Steini Thorst: Get ég sleppt því að blogga?