Áhrif reykinga verri á konur en karla
Setja bókamerki
Norskir hjartasérfræðingar birtu í dag rannsóknarniðurstöður sem sýna fram á, að reykingar geta haft mun verri áhrif á konur en karla. Konum sem reykja er hættara við hjartaáfalli fyrr á ævinni en konum sem ekki reykja. Þessi aldursmunur er ekki eins mikill hjá körlum.
Frá þessu greinir fréttavefur Aftenposten.
„Rannsóknin sýnir að það er greinilega munur milli kynjanna á þeim skemmdum sem tóbaksreykingar valda á æðum í og við hjartað,“ sagði dr. Morten Grundtvig, einn höfunda rannsóknarinnar.
Hún var byggð á upplýsingum um 1.784 sem lagðir voru inn á sjúkrahús í Noregi vegna hjartaáfalls á árunum 1998 til 2005.
Konur sem reykja fengu hjartaáfall að meðaltali 14 árum fyrr en þær sem ekki reykja. Meðal karla er sambærilegur munur aðeins sex ár.
Þetta kom í ljós þegar teknir höfðu verið með í reikninginn aðrir áhættuþættir hjartaáfalla, s.s. hár blóðþrýstingur, hátt kólesteról, sykursýki og fyrri áföll eða hjartaöng.
Framkvæmdir hófust á undan leyfinu
Var vopnaður hnífi
Ekki tekið afstöðu um sök
Kæra Framsóknar: Lýsing á „dapurlegri málsmeðferð“
Rafbyssur: Ágreiningur, áhrif og sturlunarástand
Annað gos gæti brotist út í febrúar
Fleiri glæpamenn gætu sloppið við afplánun