Pleo seldist upp í Danmörku

Véldýrið Pleo hefur að sögn danskra fjölmiðla slegið í gegn í Danmörku og seldist fyrsta sendingin upp á einni viku samkvæmt Berlingske Tidende. Nú þegar hafa selst 75 þúsund grænar vélvæddar risaeðlur í þeim löndum sem Pleo er markaðssettur í.

Framleiðendurnir vænta þess að Pleo verði vinsæl jólagjöf í ár og róa danskir kaupmenn að því öllum árum að verða sér út um frekari birgðir af véldýrinu.

Hannes S. Jónsson framkvæmdastjóri Office 1 segir að Pleo hafi vakið mikla athygli í verslunum keðjunnar en að í skólabókavertíðinni hafi ekki verið lögð mikil áhersla á Pleo. „Þetta er þannig vara að hún rýkur ekki út nú eins og staðan er á heimilum landsins. Við gerum okkur grein fyrir því að menn halda aftur af sér," sagði Hannes.

Hannes sagðist reikna með að salan á Pleo myndi aukast fyrir jólin. Hann sagði að þetta væri hentugt gæludýr sem kostaði minna en margir hreinræktaðir hundar og minna þyrfti að hafa fyrir Pleo.

Hér má sjá myndskeið þar sem Mbl. Sjónvarp fjallaði um leikfangið:

Myndskeið um Pleo

• 3 blogg um fréttina

Bloggað um fréttina

• hofy sig: Jólagjöfin í ár.
• Steinunn Þórisdóttir: Eru Danir að slá okkur við?
• Óttarr Makuch: Þetta er snilld