Bretar rannsaka fljúgandi furðuhluti

Breska þjóðskjalasafnið hefur sett gögn á vefsíðu sína um rannsóknir á fljúgandi furðuhlutum (FFH). Atburðirnir sem gögnin fjalla um eru tilkynningar fólks um FFH sem hafa verið rannsakaðar af opinberum aðilum á árunum 1986 - 1992. 

þar á meðal er tilkynning flugmanna hjá Alitalia sem tilkynntu að þeir hefðu verið nærri að rekast á FFH í aðflugi að Heathrow-flugvelli, breska varnarmálaráðuneytið rannsakaði það atvik án þess að komast að niðurstöðu.

Ítalski flugmaðurinn hrópaði upp yfir sig er hlutur sem líktist flugskeyti flaug nærri farþegaþotu í aðfluginu að Heathrow í apríl 1991 en það hefur aldrei verið skýrt hvaða hlutur þetta kann að hafa verið.

Hluturinn mun hafa sést á ratsjá og samkvæmt BBC var varnarmálaráðuneytið búið að útiloka flugskeyti, veðurathugunarbelg og flesta jarðneska hluti sem kunna að fljúga um loftin blá og var rannsókn lokið án niðurstöðu.

• 2 blogg um fréttina

Bloggað um fréttina

• Reynir W Lord: Þetta hafa verið Íslendingar á ferð ....
• Örvar Már Marteinsson: Geimverur