Segja mikla kaffidrykkju geta leitt til ofskynjana

Fólk sem drekkur of mikið af kaffi getur farið að fá ofskynjanir, t.d. séð drauga eða heyrt undarlegar raddir. Þetta segja breskir vísindamenn.

Í rannsókn sem vísindamenn við Durham-háskóla unnu kemur fram að þeir sem drekka yfir sjö bolla af skyndikaffi á dag séu þrisvar sinnum líklegri að fá ofskynjanir en þeir sem drekka aðeins einn bolla. Þetta kemur fram á fréttavef BBC.

Vísindamennirnir spurðu um 200 námsmenn út í koffeinneyslu þeirra. Þeir segja hins vegar að niðurstöður sínar sanni ekki að hér sé um orsakatengsl að ræða. Þetta kemur fram í vísindaritinu Personality and Individual Differences.

Þeir leggja áherslu á að reynsla fólks af ofskynjunum sé ekki merki um að viðkomandi eigi við geðræn vandamál að stríða. Einnig að um 3% af öllu fólki heyri reglulega raddir.

Simon Jones, sem fór fyrir rannsókninni og stundar doktorsnám í sálfræði, segir að rannsóknin sé fyrsta skrefið að því að skoða þá þætti sem tengjast ofskynjunum í víðara samhengi.

• 6 blogg um fréttina

Bloggað um fréttina

• Jóhann G. Frímann: Þó ég drekki daglega og drekki stundum mikið
• Guðmundur Ásgeirsson: Ríkisstjórnin skipti yfir í koffeinlaust, strax!
• Ía Jóhannsdóttir: Var síst að skilja í öllu þessu fólki í kringum …
• Ásgrímur Hartmannsson: Enn ein ástæða til að drekka meira kaffi.
• Haraldur Davíðsson: Úff ég sem hélt að ég væri orðinn verri en …
• Hörður B Hjartarson: Á ríkisóstjórnin