Hættulegt að vera með mjó læri

Mælist læri undir 60 cm er hættan á að deyja snemma af völdum hjarta- og æðasjúkdóma meiri heldur en ef lærið er feitara. Þetta er niðurstaða rannsóknar danskra vísindamanna.

Vísindamennirnir, Berit Heitmann og Peder Frederiksen, hafa skoðað gögn um mælingar á lærum 1.436 karla og 1.380 kvenna sem gerðar voru í lok níunda áratugar síðustu aldar.

Næstu 12 árin létust yfir 400 þeirra sem þátt tóku í rannsókninni og 540 aðrir fengu hjarta- og æðasjúkdóma eða einhvers konar aðra hjartakvilla.

Þegar aðrir áhættuþættir, eins og reykingar og ofþyngd, eru undanskildir kom í ljós að þeir sem enn voru á lífi voru með talsvert feitari læri heldur en þeir sem létust eða voru veikir.

Sé læri mjórra en 46 cm er hættan á að deyja of snemma tvöfalt meiri, að því er greint er frá á vef danska ríkisútvarpsins.

• 7 blogg um fréttina

Bloggað um fréttina

• Guðmundur Kristjánsson: Hættulegt að vera lifandi...banvænt jafnvel !
• Jóna Kolbrún Garðarsdóttir: Hættulega mjó læri
• Kristín M. Jóhannsdóttir: Ég hef kenningu
• Arnór Baldvinsson: Rannsókn
• Jenný Anna Baldursdóttir: Ég þekki fólk
• Morten Lange: Hjólreiðar : Lengri og heilbrigðari líf með öflugri læri :-)
• Ólafur Ragnarsson: Lærin