NASA viðurkennir ósigur

Mars könnunarfarið (e. Mars Rover) hefur setið fast í sandgryfju á Rauðu plánetunni. Bandaríska geimferðastofnunin (NASA) hefur reynt að losa tækið en nú hefur stofnunin viðurkennt ósigur.

Ökutækið festist í mjúkum jarðvegi í maí á síðasta ári og eftir ítrekaðar tilraunir til að losa það hefur ekkert gengið né rekið. Þetta kemur fram á fréttavef breska ríkisútvarpsins.

NASA segir að Marsfarið Spirit, sem lenti á plánetunni fyrir um sex árum, muni verða kyrrstæð rannsóknarstöð, það sem eftir sé af líftíma þess.

Tækið hefur tekið mörg þúsund ljósmyndir og fundið sönnunargögn um hlýrri og vætusamari tíð á Mars.

• 3 blogg um fréttina

Bloggað um fréttina

• Ómar Ragnarsson: Askja og tunglið 67-69. Gjástykki og mars næst.
• Stjörnufræðivefurinn (www.stjornufraedi.is): Nýr og spennandi kafli að hefjast
• Jón Pétur Líndal: Keyrðu út í skurð á Mars, dráttarbíllinn á tunglinu.