Zeus eflist enn

Zeus, tölvuveira sem stelur bankaupplýsingum af netinu frá notendum með sýktar tölvur, er sterkari en nokkru sinni fyrr, að sögn fyrirtækis sem helgar sig vörnum gegn árásum tölvuþrjóta, segir í frétt BBC.

Fyrirtækið, sem nefnist Trusteer, segist hafa rekist á Zeus í einni af hverjum 3000 tölvum en Trusteer fylgist með um 5,5 milljónum tölva í Bretlandi og Bandaríkjunum. Zeus 1.6 getur smitað  tölvur þeirra sem nota vafrana Firefox og Internet Explorer. Þjófnaðurinn fer fram með því að skrá slátt á lyklaborðið þegar umræddur notandi er á lista yfir vefsíður, venjulega hjá bönkum, sem verið er að ráðast á. Þannig er hægt að komast yfir lykilorðin.

• 1 blogg um fréttina

Bloggað um fréttina

• Jóhann Hallgrímsson: Veirur, ekkert vandamál