Ferðamáti framtíðarinnar

Netrisinn Google hefur fjárfest fyrir eina milljón Bandaríkjadala í nýju samgöngukerfi sem er frumleg blanda af reiðhjóli og lestarkerfi. Farþegarnir knýja lítinn vagn sem er áfastur teinum á loftbitum með því að snúa pedölum eins og þeir væru að hjóla á jörðu niðri.

Það er Ástralinn Geoffrey Barnett sem hannaði kerfið en markmið þess er að bjóða upp á einfaldan og mengunarlausan ferðamóta í borgum.

Eins og sjá má myndinni hér fyrir ofan rúmar hver vagn aðeins einn farþega. Ganga vagnarnir eftir einföldu járnbrautarspori sem hvílir á styrktarbitum sem aftur hvíla á súlum.

Google hefur nú ákveðið að styðja Barnett en hann hlaut verðlaun í samkeppni fyrirtækisins um hugmyndir sem breytt geta heiminum.

Þá á svo eftir að koma í ljós hvort þessir fótstignu vagnar komast nokkru sinni í útbreidda notkun.

Sýn listamanns á kerfið.

• 4 blogg um fréttina

Bloggað um fréttina

• Jonni: Barbabrella
• Loftslag.is: Google hugar að lausnum - nýjar hugmyndir fæðast
• Birgir Þór Bragason: Engin takmörk?
• Morten Lange: Hi-hi ! En það er löngu búið að uppgötva reiðhjólið …