Tilkynnt um drómasýki í 12 löndum

Tólf ríki hafa tilkynnt til Alþjóðaheilbrigðismálastofnunarinnar, WHO, um tilfelli af drómasýki sem hugsanlega tengist bólusetningu við svínaflensu. Stofnunin segir, að þetta kalli á frekari rannsóknir.

Í tilkynningu frá WHO segir, að svefntruflanir á borð við drómasýki, einkum í ungmennum, hafi ekki áður verið tengdar við bólusetningar. Segir stofnunin, að slíkir sjúkdómar séu algengari í Svíþjóð, Finnlandi og á Íslandi en í öðrum löndum.  

Talsmaður WHO segir, að hins vegar sé ekki talin ástæða til að hætta að mæla með því að fólk láti bólusetja sig gegn svínaflensu, þar á meðal bóluefninu Pandemrix sem einkum hefur verið tengt við drómasýki, vegna þess að áhættan sé hlutfallslega lítil miðað við þann hag sem fólk hefur af bólusetningunni.

Líkur á að svínaflensulyf eigi þátt í svefnsýki

Telur ólíklegt að bóluefni valdi drómasýki

• 3 blogg um fréttina

Bloggað um fréttina

• Helga Kristjánsdóttir: Drómasýki
• Arnar Pálsson: Æsifréttafyrirsagnir
• Magnús Sigurðsson: Pandermix nei takk.