Upplýsingar um nýja útgáfu af iPad birtar

Næsta útgáfa af iPad verður þynnri, léttari og öflugari, segir bandaríska dagblaðið The Wall Street Journal. Heimildarmenn dagblaðsins eru sagðir þekkja vel til mála.

iPad 2 mun innihalda hraðari örgjörva, aukið vinnsluminni og bjóða upp á betra skjákort. Þá segir The Wall Street Journal að það verði myndavél framan á tækinu. Nýja útgáfan mun þó ekki bjóða upp á sömu háskerpu skjátækni og finna má í iPhone 4. „Upplausnin verður sambærileg þeirri sem var í fyrstu útgáfu af iPad,“ segir í blaðinu.

Fátt kemur á óvart í grein Wall Street Journal. Sú þróun sem lýst er á iPad vörunni er fullkomlega sambærileg við þróun annarra vara frá Apple upp á síðkastið.

Ýmsar sögusagnir hafa verið á kreiki nýlega um iPad 2. Tímarit frá Taiwan greindi frá því fyrir stuttu að Apple myndi bjóða upp á þrjár mismunandi útgáfur af iPad 2. Á japanskri bloggsíðu stóð að nýja útgáfan myndi hafa hátalara. Í grein Wall Street Journal voru þessar sögusagnir ekki staðfestar.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Nýr iPad, ástæða til að kaupa