Leita að lífi á öðrum hnöttum
Vísindamenn leita nú að lífi á öðrum hnöttum.
Setja bókamerki
Bandarískir stjarnvísindamenn hófu í dag umfangsmikla leit að lífi á öðrum hnöttum með risavöxnum útvarpssjónauka í Vestur-Virginíu í Bandaríkjunum. Beina þeir sjónum sínum að 86 plánetum sem þykja líkjast jörðinni.
Voru pláneturnar valdar af lista 1.235 kandídata sem fundnir voru með Kepler-geimsjónauka bandarísku geimvísindastofnunarinnar NASA. Mun útvarpssjónaukinn safna upplýsingum í sólahring um hverja plánetu.
„Það er ekki algerlega öruggt að allar þessar stjörnur séu með lífvænleg sólkerfi en þær eru góðir staðir til að leita að lífi í geimnum,“ segir Andrew Siemion, doktorsnemi við Háskóla Kaliforníu í Berkeley.
Er rannsóknin liður í SETI-verkefninu sem sett var á laggirnar um miðjan níunda áratug síðustu aldar.
„Mér finnst gamla Samfylkingin komin aftur“
Funda með þingflokkum
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Skattamál verði líklega „þeirra mesta klemma“
„Börn heima sem maður myndi vilja hafa í skjóli“
Barn lést í árásinni
